Кітапта оразаның қыр-сыры, оған қатысты мәселелер жайлы қанықты мағлұматтар берілген.

ҚМДБ-ның төрағасы, Бас мүфти Ержан қажы Малғажыұлы хазреттің түрлі деңгейдегі кездесулер мен жиындарда айтқан қанатты һәм ғибратты сөздері жинақталған.

Оқырман талқысына ұсынылып отырған бұл кітап – теолог ғалым Мұхитдин Исаұлының бірден-бір шоқтығы биік, мұсылмандығымыз бен рух тазалығына қосары мол сүбелі еңбегі.

«Кемелдік кілті» – классикалық танымның жемісі. Еңбекте адамзат ақыл-ой алқабы мен жеке адамның кемелдікке, шынайы адамдық деңгейге жету жолдары кеңінен сөз болады.

Қажылық – мұсылманның бес парызының бірі. Сауд Арабиясының қасиетті жерлері – Мекке мен Мединаға келіп, Жаратқан Иеміз Алла тағалаға құлшылық жасағанда оқылатын дұға-тілектерді, қажылықтың рәсімдерін осы кітаптан тауып алуға болады.

Бүгінде елімізде Исламның қарқынды дамып келе жатқаны баршаға аян. Дін тек қана молда немесе діни басқарма қызметкерлерінің шаруасы ғана емес, жай қарапайым халықтың да жеке өмірінде өзіндік орны бар дүниеге айналды. Бұл Аллаһтың да, Аллаһ елшісінің де (с.ғ.с.) қалауы болатын.

Әрбір елдің жүріп өткен ұзақ қоғамдық тарихы болатын сияқты оның діні мен ділінің жалпы руханиатының да керуен-керуен жолы болады.

Еңбекте ілімнің пайдасы, ұстаз бен шәкірт арасындағы қарым-қатынас, білім алудың ерекшеліктері жайлы, сондай-ақ ілім үйренуге талапты шәкірттерге керекті өте құнды ақыл-кеңестер жинақталған.